Փողկապ կապելու հմտությունը մեր կյանքի գլխավոր անհրաժեշտություններից չէ, սակայն միշտ էլ կլինեն դեպքեր, երբ անհրաժեշտ է օգնել ամուսնուն, հայրիկին կամ եղբորը՝ միջոցառմանը նախապատրաստվելու համար: Փողկապ կապելու բազմաթիվ եղանակներ կան, որոնցից տասնմեկը ներկայացնում ենք Ձեզ:
Բովանդակություն
Քառակի հանգույց
Սա փողկապ կապելու ամենահայտնի և տարածված եղանակն է: Իր անունը ստացել է չորս քայլերի (պտույտների) շնորհիվ, որոնց միջոցով էլ առաջանում է հանգույցը:
Վինդզորյան հանգույց
Հանգույցը կապելու այս եղանակն անվանվել է Վինդզորյան հերցոգի պատվին, ով, հավանաբար, նախընտրում էր հենց այս տարբերակը: Այս եղանակով կապված փողկապը հնարավոր է թուլացնել և հանել՝ առանց քանդելու:
Կիսավինդզորյան հանգույց
Սա վինդզորյան հանգույցի ավելի պարզ տեսակն է: Այն ավելի թեթև է դիտվում և ավելի հարմար է:
Վիկտորիանյան հանգույց
Այս հանգույցը հաճախ անվանում են «քառակի»՝ հավելյալ պտույտով: Պատճառն այն է, որ փողկապի ծայրը չորս անգամ պտտվում է հանգույցի շուրջ և միայն նոր մտցվում ներս:
Հանգույց «Օրիենտալ»
Այս հանգույցը կապվում է ընդամենը երեք քայլով և համարվում է ամենապարզերից մեկը: Բայց այստեղ էլ թաքնված է գլխավոր խնդիրը՝ հանգույցը այդքան էլ պինդ չէ և բարակ գործվածքից փողկապները չեն կարողանում պահել իրենց ձևը: Այս հանգույցի համար ցանկալի է ընտրել խիտ գործվածքով փողկապ, օրինակ՝ բրդյա:
Անկյունագծային հանգույց
Այս հանգույցը կապելու համար ձեռքերի ճարպկություն է անհրաժեշտ, սակայն արդյունքը դիտվում է շատ էլեգանտ:
«Կելվինի» հանգույց
Այս հանգույցը կրում է բրիտանացի ֆիզիկոս Ուիլյամ Թոմսոն Կելվինի անունը: Այն հարմար է բամբակյա և բրդյա բարակ փողկապների համար:
«Բալթուսի» հանգույց
Սա ամենալայն հանգույցներից մեկն է: Այն հարմար է կարճահասակ տղամարդկանց համար, քանի որ փոքրացնում է փողկապի երկարությունը և հավասարեցնում է կոստյումի համամասնությունները:
«Կավենդիշի» հանգույց
Այս հանգույցը ստացվում է երկու քառակի հանգույցների հյուսումից: Բարդ է հնչում, սակայն այն կապելն իրականում այդքան էլ բարդ չէ:
«Օնասիսի» հանգույց
Հանգույցն իր անվանումը ստացել է Արիստոտել Օնասիսի պատվին՝ հույն գործարարի և Ջեքի Քենեդիի ամուսնու: Շատ նման է քառակի հանգույցին:
«Արքայազն Ալբերտի» հանգույց
Ամենագեղեցիկ հանգույցների մեկն է: Հիշեցնում է չբացված ծաղկի կոկոն: Ամենահեշտ կապվող հանգույցներից չէ, բայց արժանի է ներդրված ջանքերին:
Ահա և վերջ: Հանգույցների այս բոլոր տարբերակները հիշել պետք չէ: Ընտրեք Ձեզ համար մեկ-երկուսը, սովորեք կապել և կարող եք լիովին դրանցով բավարարվել:
Հեղինակի մասին
