Շատ տղամարդիկ, ընտրելով բրենդային գոտիներ, թանկարժեք փողկապներ և շքեղ ճարմանդներ, հաճախ մոռանում են իրենց կերպարի կարևորագույն բաղադրիչներից մեկի՝ դրամապանակի մասին:
Սովորաբար տղամարդու դրամապանակը չունի այն տեսքը, որն ունեն նրա կերպարը լրացնող մյուս այն աքսեսուարները, որոնք անընդհատ աչքի առաջ են: Եվ հաճախ նույնիսկ ամենանրբաճաշակ տղամարդը իր պայուսակում կամ գրպանում թաքցնում է իր հին, մաշված դրամապանակը:
Մի՞գուցե ժամանակն է նոր դրամապանակ ձեռք բերելու:
Բովանդակություն
Տղամարդու դրամապանակի հանդեպ պահանջները
Տղամարդու դրամապանակն ընտրելիս պետք է հաշվի առնել և՛ պրակտիկ, և՛ արտաքին հատկանիշները: Այդ պատճառով այն պետք է համապատասխանի հետևյալ պահանջներին.
- Ֆունկցիոնալություն, ընդարձակություն և հարմարավետություն,
- Բանկային քարտերի և այցեարտերի համար նախատեսված շատ բաժիններ,
- Ամուր ճարմանդ, որը թույլ չի տա, որ մետաղադրամները թափվեն,
- Բարձրորակ, դիմացկուն նյութ, որը չի վախենում քերծվածքներից և շուտ չի մաշվում,
- Նորաձև, գեղեցիկ արտաքին տեսք:
Շատերը կավելացնեն ևս մեկ ցանկություն՝ ցածր գին: Բայց համաձայնեք՝ նշված պահանջներին համապատասխանող արտադրանքը չի կարող ցածր գին ունենալ:
Մի խնայեք դրամապանակ ձեռք բերելիս, քանի որ այն ծառայելու է ձեզ երկար և դրական զգացողություններ է պարգևելու՝ ամեն անգամ գրպանից հանելիս:
Դրամապանակի տեսակները
Գոյություն ունեն դրամապանակների մի քանի տեսակներ, որոնք իրարից տարբերվում են ոչ միայն տեսքով, այլև իրենց ֆունկցիոնալությամբ:
Առանց ծալքերի դրամապանակ
Սա դրամապանակի ամենանրբաճաշակ մոդելներից մեկն է, որը միշտ էլեգանտ է դիտվում: Թղթադրամներն այս դրամապանակում չեն ծալվում:
Թերությունը կայանում է նրանում, որ այն չես դնի տաբատի հետին գրպանում: Նման դրամապանակները կրում են պիջակի ծոցագրպանում կամ պայուսակի մեջ:
Բիֆոլդ-դրամապանակ
Բիֆոլդ կամ երկփեղկանի դրամապանակն իրենից ներկայացնում է դրամապանակ՝ մեկ ծալքով: Թղթադրամները դրանում ծալվում են կիսով չափ: Բանկային քարտերի և այցեքարտերի համար նախատեսված են հատուկ բաժիններ, ինչպես նաև առկա է փոքրիկ գրպան մետաղադրամների համար:
Չափից կախված՝ այս դրամապանակը հարմար է կրել տաբատի կամ առօրյա ցանկացած այլ հագուստի գրպանում կամ պայուսակի մեջ:
Տրիֆոլդ-դրամապանակ
Երկու ծալքով դրամապանակ է՝ նախատեսված պլաստիկ քարտերի համար: Առանձնանում է իր կոմպակտ չափսերով և քարտերի համար նախատեսված շատ բաժիններով:
Թղթադրամների համար նախատեսված է միայն մեկ գրպան, իսկ մետաղադրամներ նման դրամապանակում չեն պահում:
Դրամապանակ՝ մետաղադրամների համար
Նախատեսված է մետաղադրամները և 2-3 քարտեր պահելու համար: Սովորաբար լինում է ուղղանկյուն կամ շրջանաձև: Փակվում է ճարմանդով, որպեսզի մետաղադրամները չթափվեն:
Այն հեշտությամբ տեղավորվում է տաբատի գրպանում և շատ քիչ տեղ է զբաղեցնում պայուսակում:
Թղթադրամների սեղմակ
Այս դրամապանակը նախատեսված է թղթադրամները պահելու համար: Այն բացվում է գրքի պես, և թղթադրամները դրանում հնարավոր չէ թաքցնել: Երբեմն ունենում է քարտերի համար նախատեսված մի քանի բաժիններ:
Չափսերով կոմպակտ է և հեշտ է տաբատի գրպանում տեղավորել:
Դրամապանակ ընտրելու 2 գլխավոր գաղտնիքները
Այն, որ դրամապանակ ընտրելիս դուք ուշադրություն եք դարձնելու դրա արտաքին տեսքին, որակին և ոճային բաղադրիչներին, կարծում ենք՝ ակնհայտ է: Սակայն կան դրամապանակի երկու հատկանիշներ, որոնց սովորաբար ուշադրություն չեն դարձնում, սակայն, որոնք կարելի է դասել լավ դրամապանակ ընտրելու գլխավոր գաղտնիքների շարքին:
Գաղտնիք առաջին. չափսը
Դրամապանակ ընտրելիս կարևորագույն գործոն է հանդիսանում՝ չափսը: Նախ, դուք պետք է իմանաք՝ տվյալ տղամարդը սիրում է կրել դրամապանակը տաբատի հետին գրպանում, դիմացի գրպանում, կոստյումի ծոցագրպանում, թե պայուսակում: Ըստ դրա՝ կարող եք ընտրել դրամապանակի մոդելը և չափսը: Ներկայումս շատ տղամարդիկ չեն սիրում կրել մեծ դրամապանակներ՝ ձգտելով հնարավորինս ազատ տարածություն թողնել իրենց գրպաններում: Այնպես որ, ընտրություն կատարելիս հիշեք՝ ցանկացած տղամարդ ունի դրամապանակի իր նախընտրելի չափսը:
Գաղտնիք երկրորդ. մետաղադրամների բաժին
Տղամարդիկ բաժանվում են երկու տեսակի՝ նրանք, ովքեր սիրում են դրամապանակ՝ մետաղադրամների բաժնով, և նրանք, ովքեր դա չեն սիրում: Չսիրելու պատճառն այն է, որ մետաղադրամները դեֆորմացնում են դրամապանակը և ավելորդ ծանրություն են հաղորդում: Սակայն նման բաժնի առկայությունն էլ օգնում է, որպեսզի ամեն ինչ մեկ տեղում պահվի: Մինչև դրամապանակի ընտրություն կատարելը՝ փորձեք ճշտել՝ տվյալ տղամարդը սիրում է մետաղադրամների բաժին, թե ոչ:
Բոլոր տղամարդիկ էլ սիրում են նվեր ստանալ կաշվե դրամապանակներ: Ընտրեք նրանց համար այնպիսին, որը նրանց երկարատև հաճույք կպարգևի և կհիշեցնի ձեր մասին ամեն օր:
Հեղինակի մասին
